Make your own free website on Tripod.com

 
 

 

 

 

今晚食乜好?

諗唔到今晚同honey食乜呀?
看看以下的資料幫唔幫到你!!

增加了一些新資料, 請click
今晚食乜好(2)

其他網上資訊:
100bestrestaurants.com  |  food4hk  |  foodeasy  |  foodstreet  |  開飯啦  |  黃頁美食

下有100間 必食餐廳介紹:

001自助餐新熱潮cafeTOO

原本只是酒店CoffeeShopbuffet,何以能夠在芸芸新餐廳、新趨勢中突圍而出成為第一位呢?市道低迷,大勢所趨,食物要物超所值,酒店降價出撒手,一擲三千萬豪裝餐廳,三百元唔使已經可以食勻七個不同飲食主題區,有沙律、刺身、中西熱盤、印式燒烤、甜品等。最重要係食物quality高,最正刺身有吞拿魚、三文魚、魚、甜蝦等,全部新鮮有光澤種,淨食刺身已回本,另一驚喜是甜品區,梳乎厘即叫即焗又鬆又軟,起碼可連吃三杯,超值。
打破過往自助餐給人大堆頭爭餐懵的觀念,坐在五星級酒店的Cafe,氣派舒適,食自助餐都可以高雅細緻,不慌不忙,帶出食buffet的新風格、新氣象。食物同環境咁正,價錢又唔太貴,唔怪得晚晚爆場,星期一閒日都人頭湧湧。敢說這是城中最佳buffet02年一定要來食。連精明的DoDo
也和呂方來幫襯。

 地址:金鐘太古廣場港島香格里拉酒店7
電話:28208571
招牌菜:自助餐
供應時間:星期一至五6pm-9:30pm,星期五、六及公眾假期7pm-10pm
消費:星期日至四$308/位,星期五、六及公眾假期$338/位。
註:自助餐不包飲品。

刺身質素極高,件件色澤光鮮。
刺身即叫即切,夠晒新鮮。
梳乎里口味天天新款,有薑汁、芒果等味。
熱盤餐後是開放式廚房,好有特色。

 

 

 

002超人氣Meshiya

過往日本人開的居酒屋多是招呼「自己人」,食物細碟又貴,本地人幫襯恐怕食唔慣又嫌貴。時移勢易,現在日本人開的居酒屋,不特止歡迎香港人光顧,而且價錢大眾化到你唔信(菜式全部不超過$100,少數刺身除外),食物質素仍能保持水準,而且口味夠地道,如魚拌納豆、開邊北海魚等都是正宗日本地道菜式,食唔慣叫個刺身拼盤也只是$230,新鮮肥美。晚晚爆場,半年內連開兩間分店一點都不意外。

 地址:銅鑼灣告士打道268號地下
電話:28912315
招牌菜:素菜芝士三文魚卷$48、牛肉包雞蛋$35
消費:
$200

 

 

 

003食露天Gaia

01年好hit露天餐廳,Gaia係至正代表,Gaia在意大利文是「歡樂」的意思,坐在鬧市中的露天茶座,呷一啖Espresso,吃一口大廚以蕎麥粉自製的意粉,附送的是遠從意大利訂製回來的桌椅和太陽傘,完全意大利風味,是中環難得一見的綠洲。

 地址:中環皇后大道中181號新紀元廣場地下
電話:21678200
招牌菜:紅酒燴兔仔肉拌自製闊麵$158
消費:
$500

 

 

 

004名氣杭菜華亭會所

名人飯堂重出江湖,重新開業的華亭,選了一個不太就腳的商業大廈樓上開鋪。師傅系出名門,一眾富豪名人紛紛來幫襯,平民百姓也照顧到分一杯羹,午市客飯才$28,大小通吃。

 

地址:銅鑼灣銅鑼灣道19號建康商業大廈4
電話:28954608
招牌菜:杭州醬鴨$380/
消費:
$28-$500

 

 

 

005平靚扒店Mr.Steak

01年三里屯好熱,開好多店,但曇花一現者多,能做得下去的,實力非凡。香港人鍾意鋸扒,本地的扒王之王雖然也曾掀起熱潮,但質素認真麻麻。Mr.Steak一開就成牛扒迷的救星,佢D.A.牛扒是在牛隻宰割之後於低溫下吊乾,讓肉更有肉味更嫩,二百多元一客媲美大酒店,抵食。

 

地址:灣仔港灣道28號三里屯一樓10號鋪
電話:28021128
招牌菜:D.A.西冷扒$298
消費:
$300

 

 

 

006家庭feelG.O.D.

多功能餐廳永遠受落,Boutique用自己的品牌開食肆已非新意思,而代表簡約品味的家具店G.O.D.亦加入戰團,開埋餐廳。餐廳環境以簡約為主,難得係食物水準不錯,尤其甜品最出色。

 

地址:銅鑼灣霎東街禮頓中心1
電話:28818196
招牌菜:南瓜批$38、美式芝士蛋糕$38
消費:
$100

 

 

 

007最進取麥當勞

相信無一個香港人未食過麥當勞,無法啦,麥當勞係全港最進取最有創意快餐店,周不時有新餐新款食物出,出動埋HelloKitty、史諾比、麥兜仔輪住俾你換。最新就搞個賀歲急口令,直情由年頭到年尾都得你咁開心。

 

 

 

008角色混合酒吧ChinoLatino

角色又是餐廳又是酒吧,是近排酒吧最興走路線。環境唔使講:靚+舒服。最特別係間BarTapasBar路線,飲之餘,可揀中、日、泰多款食送酒,食物幾特別。

 

地址:中環雲咸街34號地下
電話:25210101
招牌飲品:Cervaza$42/pint
消費:
$150

 

 

 

009架勢PizzaPizzaExpressSanMarzano

在英國有300多間分店的PizzaExpress,半年前一抵港即以三層落地玻璃開揚設計,好有氣勢咁。三層各有不同風格,吹來一股嶄新的英倫風。主打即叫即製的Pizza

 

地址:中環擺花街21SohoSquare地下至二樓
電話:28507898
招牌菜:費倫天拿薄餅$83
消費:
$100

 

 

 

010見識見識鼎泰豐

挾世界十佳餐廳之名來港,被傳媒捧到上天的小籠包,一來港已等位等到飛起,食完你可能覺得不外如是,又或名過其實,但未食過,都未算係食癡。

 

地址:紅磡黃埔花園蔡瀾美食坊3
電話:23304886
招牌菜:小籠包$88、紅燒牛肉麵$38
消費:
$100

 

 

 

011全港首間絲綢之路

開發大西北已不單是口號而已,而是放入我們的口腹內。全港第一間新疆餐廳,帶來的不只是大口吃全羊宴,還有節奏明快的新疆歌舞,嘈就嘈,不過都幾有風味。估計未來還會有更多冷門的中國菜系襲港。

 

地址:中環皇后大道中181號新紀元廣場1
電話:21678118
招牌菜:羊肉抓飯$88、菊花羔羊腿$3805位用)
消費:
$200

 

 

 

012趕圍頭菜潮大榮華酒樓

好平,好抵食。
開廿幾年但都係最近幾年先咁出名,簡直掀起一股食鄉土菜熱潮。報紙、雜誌專欄作家爭住係咁寫佢圍頭菜,將本來鬼咁普通圍村菜搞到懶特別,唔食唔得。不過鋪頭最大貢獻係話俾普天下人知,原來圍頭菜唔係等如盆菜咁簡單,甚麼頭抽浸鴨、白水浸大烏頭確實係好食到你值得山長水遠車入元朗食,又平,一個人唔使$100

 

地址:新界元朗安寧路2-6
電話:24769888
招牌菜:頭抽浸鴨$100/隻,野生椒梅子蒸大魚頭
消費:
$100

 

 

 

013日式fusion橙家Daidaiya

01年香港興玩fusion,其實日本,仔早就玩西日fusion。橙家96年在大阪始創,短短六年在東京、大阪已有6家分店,日式食物加入西式材料及做法,是西日fusion菜的表表者。食物精緻細膩。

 

地址:尖沙咀金巴利道62號皇悅酒店2
電話:23673666
招牌菜:什錦壽司拼盤$350(四人)
消費:
$400

三文魚蘿蔔卷配甜椒汁

 

 

 

014食非主流雅姿娘

食慣熟口熟面的潮菜,突然來個「雅姿娘」,讓年輕一輩住個餐牌猛問:「咩?」中年「架己冷」則狂喜吃到童年的鄉下美食。老細非常有心,開店前特別往潮汕一帶找尋香港已失傳汕菜,而且價錢便宜,一年內開了兩間。

 

地址:九龍城衙前圍道92號地下
電話:23827982
招牌菜:九肚魚煎糕粿$32,豬頭粿
消費:
$100

 

 

 

015新面孔Sogo地庫超市

超市起革命,Sogo的「老餅」超市裝修過後,形象年輕化好多,加入數家日式街頭小食,果真帶起成個場,尤其落電梯時已聞到Puffcake的香味,食慾大增。

 

地址:銅鑼灣崇光百貨B2
電話:28338338
招牌餅:Puffcake$10、大判燒餅$5
消費:
$10

 

 

 

016隱蔽日菜天勺

雖然它位於商業大廈,位置毫不顯眼,但午市超乎想像地爆棚。無論刺身或壽司都很具水準。好食到雖然地點隱蔽,但連劉鑾雄都識摸上去。記緊試一試這的海鰻壽司,海鰻異常肥嫩,調校的醬汁亦很好味。最緊要係價錢好合理,平均一個人$350都落到樓。

 

地址:銅鑼灣登龍街28號永光中心3字樓
電話:28335337
招牌菜:海鰻壽司$30
消費:
$350

 

 

 

017為港增光東西燒

賣街邊雞翼賣到上港聞版,「東西燒」都算厲害,不算有創意的街邊小食竟然爆冷排17位,當然是因為憑老細曾輸掉三四億身家,但仍不放棄,逆境求生的精神,試了二千隻雞翼,花了37個月時間發明這部雞翼機。這部香港原創的街邊小食機器,連日本公司亦對其產品感興趣,同佢買版權,為港增光。

 

地址:旺角西洋菜街G4地下
電話:27837973
招牌菜:雞全翼$7
消費:
$20

 

 

 

018 24小時熱狗HotDog

熱狗在香港終於守得雲開,不再寄賣在兜快餐店內。短短數個月,香港居然連續開3間不同風格的熱狗專門店。而HotDog24小時營業,蒲完「老蘭」亦不一定要去翠華。

 

地址:中環荷里活道27-29號荷里活大廈D
電話:25433555
招牌菜:雙腸熱狗$28
消費:
$50

 

 

 

019趁熱鬧排長龍魚一丁

在日本有20多間分店,在港第一間分店開業,至今一直勁爆。海鮮九成由日本批發商直接入口,勝在價平,而且居酒屋在港愈來愈hit,年輕人新歡。

 

地址:銅鑼灣羅素街82
電話:28344438
招牌菜:鱈場蟹腳$160
消費:
$150

 

 

 

020新功能餐廳Towngas

Cafe來宣傳品牌已不獨是Boutique、家居店等潮流指標的玩意,連公營機構亦不甘後人,而且包裝誠意不遜於型人食肆。Towngas除了賣爐頭、廚具和浴室用品,還在店內直播openkitchen的菜式示範,大出菜譜,推廣明火煮食,可謂用心良苦,還特地從日本訂購三盞煤氣燈來點綴臨海的露天茶座,別具心思。

 

地址:尖沙咀梳士巴利道新世界中心L030
電話:23672707
招牌菜:脆蛋麵卷銀鱈魚柳伴香檳紅油汁$68
消費:
$120

 

 

 

021食名人飯堂MattheFringe

單是位於有80多年歷史的舊牛奶公司大廈已是一大賣點。自89年創立至今,這的西菜都甚具水準,連最後一任港督彭定康、周潤發、張曼玉等都係捧場客。

 

地址:中環下亞厘畢道21
電話:28774000
招牌菜:Pavlova$86
消費:
$500

 

 

 

022年輕上海菜留園雅敘

香港的老牌菜館紛紛年輕化,大喜慶有喜慶坊,留園也有留園雅敘,西式裝修食上海菜,一洗「老」氣。食物分量比一般上海菜小,又精緻,兩個人撐腳都得,午市或下午茶可以食細細籠上海點心。

 

地址:灣仔駱克道54-62號博匯大廈3
電話:28042000
招牌菜:鹹蛋蟹$200/隻,蝦兵蟹將湯

消費:
$50

 

 

 

023食肉新潮巴西餐廳

開半年,應該係全港食烤肉食得最熱鬧一間鋪,客人坐想食乜就舉起牌示意,師傅住一大烤肉店內通場飛,你要邊款就你面前切俾你,要幾多切幾多,直截了當。

 

地址:尖沙咀樂道38
電話:27214689
招牌菜:肉眼扒、羊肩
消費:$58-$96
(任食套餐)

 

 

 

024多花臣HaagenDazs

賣雪糕賣到有自己的專門店,而且不論春夏秋冬都咁多人,可說只此一家。除了雪糕本身香濃滑溜之外,還有經常推出新口味,玩新花臣,連雪糕都來煮,真係唔知緊佢又會玩乜。

 

地址:銅鑼灣時代廣場B209
電話:25061531
招牌雪糕:朱古力雪糕$25
消費:
$100

 

 

 

025飯堂大變身聚賢樓

以前一向覺得學校的Canteen像是大鑊飯,食物麻麻。但近年來大學的飯堂愈來愈有水準,裝修亦有特色,如理大的聚賢樓古樸清雅。

 

地址:紅磡理工大學李嘉誠樓14
電話:27664778
招牌菜:砵酒焗金蠔$108
消費:
$200

 

 

 

026識走位樂廚坊

于師傅 聽名字無啥特別,但如果告訴你于師傅曾是曾蔭權大廚,你便知道這是一間非常人物開的非常食肆。挾曾蔭權前御廚的銜頭招搖過市,今趟捲土重來另起爐灶,教煮高官愛吃的小菜,亦可以一試于師傅的手勢,值得慕名試。

 

地址:香港英皇道147-151號萬事昌大廈4D
電話:25715008
招牌菜:高官愛吃小菜
消費:$218/
位(十六道菜)

 

 

 

027名人秘密私竇one-thirtyone

one-thirtyone竟將西貢一條村的舊三層村屋豪裝改成饒富歐陸風味的餐廳,有貴價的$2,000十道菜tastingmenu,也有較平的$800一位晚餐,食精緻法菜,擺明不是讓普羅市民光顧的價錢。

 

地址:西貢井頭村131
電話:27912684
招牌菜:tastingmenu, Summertrufflewithnewpotato
消費:
$800-$2,000

 

 

 

028食拉麵潮流翡翠拉麵小籠包

近年來外省麵食愈來愈多,繼雲來居、蘭州拉麵之後,最近最正的則非翡翠莫屬,位處住宅樓下仍大把客排隊。一碗麵即叫即拉,大大碗抵食。

 

地址:太古城寶安閣地下G510-511
電話:25686262
招牌菜:擔擔麵$28
消費:
$80

 

 

 

029年輕居酒屋和民居食屋

另一間猛龍過江,光是東京就有200間分店,走年輕人居酒屋路線,小食串燒選擇多又平,樣樣都有,晚晚大排長龍,但勿期望過高,畢竟是年輕人的taste。不過趁墟都無妨。

 

地址:尖沙咀堪富利士道12-16號宏貿發展大廈1
電話:21897005
招牌菜:雞軟骨串$20
消費:
$130

 

 

 

030健康潮流GreenCottage

近年愈來愈多人注重健康,由南丫島殺出金鐘,再由金鐘殺到Sogo,將環保意識由外國人轉向中產階層再調校至年輕一代,算是環保意識的一大進步。店食物講明係有機食物,夠晒健康無油膩。

 

地址:南丫島榕樹灣大街15號地下
電話:29826934
招牌菜:豆腐蛋糕$25
消費:
$100

 

 

 

031完全透明度DalucaCucinaItaliana

Daluca裝修好掂,三面大玻璃窗,玩晒透明度,實行toseeandtobeseen,意菜口味地道得來又不會接受不了,氣氛亦casual

 

地址:中環閣麟街46-48號地下
電話:25446346
招牌菜:四季薄餅$95、香草烤牛仔骨$168、意大利芝士番茄長通粉
消費:
$200

 

 

 

032世界名牌Starbucks

前兩年開始登陸香港,一來到就猛咁開分店,而家已有20多間,仲慌死你會悶,每間分店裝修都唔同,俾你驚喜之餘,咖啡小食一都唔差,大型連鎖店作風,幾時去食味道都保持水準。

 

地址:中環交易廣場23
電話:21473739
招牌菜:MochaFrappacino$28(細)
消費:
$50

 

 

 

033玩小眾水滸居

Soho區多是西餐廳,近年來才陸陸續續開些富中國色彩的中菜館,如綠原、滿漢居,但感覺上總覺得賣的菜式是給「老外」吃的。直至水滸居開張,才真正有給本地人吃的中菜,有理無理,辣到你飛起的川菜。西人,有種來吃吧!

 

地址:中環嘉咸街51A地下E
電話:28696927
招牌菜:大紅袍炸田雞$138
消費:
$200

 

 

 

034食來頭崩牙成

江湖傳聞中個個都識崩牙成,因為佢係南海十三郎父親江太史家廚後人,秉承一身廚藝,但凡叫得出的富豪名人食過都讚。來頭咁勁點都要試佢正宗太史五蛇羹,而紅燒翅亦是一絕,翅針粗,有咬口,翅多到食麵咁食,一分錢一分貨。雖然經濟麻麻,還叫你去食八千蚊一圍的鮑翅席似乎不切實際,但崩牙成80多歲,話唔埋隨時會退休享福,想食佢老人家手勢就要快去。

 

訂座傳真:25446643
招牌菜:正宗太史五蛇羹、雞絲翅
消費:$8,000
一圍(最低消費)

 

 

 

035拖友必Amigo

未食過話,點都要食一次,拍拖話點都要來一次。
終日重門深鎖,門口掛住個大太陽,好神秘好有氣派咁,入到去,一派西班牙裝潢,銀器做餐桌用具,而坐就係古董木椅。環境好grand,但你唔會坐到好似有蟻咬咁唔自在,最主要係侍應一都唔似好多名氣餐廳咁大鼻,唔理你有錢無錢,都係好友善咁招呼你。
假如你一早訂的話,餐廳仲會送你一個小禮物如memopad或火柴盒,面頭仲會寫上你個名。
食物方面唔使講,無得彈,如果唔係,識食陳方安生、俞琤都唔會當正佢係飯堂啦。

 

地址:跑馬地黃泥涌道79A
電話:2577220225778993
招牌菜:拿破崙餅$60/件、蒙古生牛肉$165
消費:
$800

 

 

 

036至正辣蟹喜記

地店但用明星剪報當牆紙的喜記,暗地話你知來呢度食全是粒粒巨星,好似黎明、謝霆鋒、劉德華、梁朝偉等,董太最近來食仲打包走。喜記從七十年代在銅鑼灣避風塘炒蟹到現在,是正宗的避風塘炒蟹。雖然而家食物水準無以前避風塘做得咁好,不過食勻全港,橋底辣蟹佢依然係最正。

 

地址:灣仔謝斐道392H鋪地下
電話:28937565
招牌菜:避風塘炒辣蟹$4004斤)
消費:
$200

 

 

 

037新派泰菜Green

以摩登有型的Cafe裝修賣泰菜,菜式混入西式煮法,標榜少油健康,不用味精,混合西式材料,令食物味道和賣相都極具創意。

 

地址:灣仔港灣道28號三里屯7號鋪
電話:28020666
招牌菜:香芒糯米壽司$45、海鮮柚子沙律$75
消費:
$150

 

 

 

038豪華雜貨BonBonBon

黃「又又」如  鄧鏡波之後裔黃「又又」如,作為城中名媛,突然改賣雜貨,所賣的全是全球最正的極品。由黃「又又」如周遊列國搜羅回來,貨物種類很多,由上海臭豆腐到貴到飛起西班牙黑豬腿都有。賣的不只是貨品,也是一份對食的熱誠。

 

地址:中環皇后大道中50-52號陸佑行地庫
電話:25236565
招牌菜:西班牙黑豬腿$4,000-$6,000/隻、明前龍井$300/100

 

 

 

039外賣湯老祖中國湯

香港人咁忙無時間煲湯飲,但湯水又唔少得,最早開業的中國湯,湯款每日更換,且有四款之多,送貨範圍最廣,仲有埋中醫師做顧問,好專業。

 

地址:西環堅尼地城吉席街68B地下
電話:28183740
招牌湯:老火湯(日日不同款式)
消費:
$40-$60

 

 

 

040廚師逆市開鋪肥佬麵食

另一個勵志奮鬥的廚師故事,曾做過大酒樓,甚至遠至法國、日本和韓國當大廚,劉師傅被裁員之後出來自己開檔炒麵。

 

地址:灣仔道英皇中心12號鋪
電話:96706898
招牌菜:豬骨粥$10、滷水雞翼$10/3
消費:
$50

 

 

 

041難得有水準Fusion

01年猛吹fusion風,將各國食物玩大兜亂,講真的大玩fusion的食肆都是噱頭居多,好多都唔好食,但開宗明義叫做fusion的第一代fusion店是唯一例外,師傅將中西食物的特質同味道配合拿得很好,食落很好味。Tastingmenu有九道菜,樣樣分量少少,可多試幾道菜,且每晚不同。

 

地址:銅鑼灣新寧道8號民安廣場二期地下C
電話:21857477
招牌菜:Tastingmenu$275(5courses)
消費:
$300

 

 

 

042至正小CafePumpernickel

愈來愈多專業人士放棄本行,改做飲食,好似Pumpernickel老闆娘Joan就為個包專登飛去美國學一輪,返來之後自己開鋪,估唔到又俾佢學有所成,佢整黑麥麵包、麥包又真係幾好食。鋪頭最受歡迎就係佢麵包,其次意粉。01年開咁多小型cafe,得廿零個位Pumpernickel都算係至正。

 

地址:天后琉璃街1A地鋪
電話:25780854
招牌包:Pumpernickel$25(只在星期六、日供應)
消費:
$100

 

 

 

043永不失手生記飯店

穩打穩紮的小菜王,食物以用料見稱,師傅功架了得,係好多名人開飯的指定地點。

 

地址:灣仔莊士敦道176D鋪地下及1
電話:25752239
招牌菜:鹽焗雞$160/隻,杞浸豬潤$55
消費:
$150

 

 

 

044摩登食場TheFoodFare

Foodcourt難登大雅之堂的感覺從此要改寫,01年好多foodcourt都改形象,先是PacificPlace將本來簡單平凡的foodcourt大變身,再來新港中心原本的「豆泥」foodcourt亦被City'super接手,用名食店組合成foodcourt,帶來foodcourt新潮流。

 

地址:金鐘太古廣場1
電話:
28014197

 

 

 

045瀕臨絕種永華麵家

對面街望過去,見到永華樓上度就係佢製麵工場,窗邊永遠傍住一枝大竹昇,店所有麵就係靠枝竹打出來。
這吃甚麼都不打緊,最緊要一口麵,因師傅有30
多年做麵經驗,在搓粉時加入鹼水和鴨蛋,再以大碌竹昇打壓,比一般粉麵店的鹼水麵來得爽口彈牙,香港已經很少見。

 

地址:灣仔軒尼詩道89號地下
電話:25277476
招牌菜:雲吞麵$22
消費:
$50

 

 

 

046第二蘇豪星街

星域軒立足在灣仔之後,陸陸續續有新餐廳或酒吧湧現於星街。早前有豪裝意大利餐廳Cinacitta,近來有fusion味濃的日本餐廳Kokage,以及多靚人鬼佬蒲頭的酒吧1/5One-fifth)。三間都是屬於同一集團,全部是型格店,睇個勢似乎是想成為香港第二個「蘇豪」。三間之中,近日以Kokage較觸目,總廚是前半島Felix靚仔美籍日本人廚師Brian,以創新的日本菜式為賣點,精彩菜式有香草燒乳豬。

 

地址:灣仔星街9號星域軒地下

 

 

 

047獨一沖繩菜EnJapaneseDiningBar

香港人對日本菜的鍾愛程度已幾乎瘋狂,魚生串燒鍋物拉麵都食勻之後,便開始在非主流日本菜中打主意。新登場的有沖繩料理,主打是豬肉,加上型格靚裝,另類日菜選擇。擺明玩gimmick,但香港人又鍾意喎!

 

地址:銅鑼灣羅素街22000年廣場2字樓
電話:28343255
招牌菜:鹽漬小黃魚豆腐$55
消費:
$300

 

 

 

048永水準Baci

Baci有全城至好味Pizza,餅底夠薄且脆如餅乾,但餡料卻分量十足,面頭的番茄醬是每日用新鮮番茄打成,就算是簡簡單單只配MozzarellaBasilMargherita,也清新可口。

 

地址:中環蘭桂坊一號2
電話:28015885
招牌菜:PizzaMargherita$98SanDaniele火腿煙意大利白色軟芝士薄餅
消費:
$200

 

 

 

049泰平青見A Touch of Spice

泰菜風一過,一成不變的泰菜館已經不能滿足香港人的食慾,幸好ATouchofSpice出現,裝修精緻,菜式新穎有諗頭,還加入一些越南菜式,而且價錢公道,抵食!

 

地址:尖沙咀諾士佛臺101
電話:23121118
招牌菜:麵包咖喱雞$125
消費:
$150

 

 

 

050大熱紅豆餅台灣大統

02年街頭大熱俾紅豆餅搶晒閘,排晒人龍為買個餅,梗係啦,即買即食,熱辣辣不知幾和味,如果唔係都唔使日本吹陣紅豆餅風過來啦。

 

地址:太子水渠道30-322號鋪
電話:23947728
招牌菜:紅豆餅$12/3個,$6/
消費:
$6

 

 

 

051一年必食一次Sabatini

毫無疑問,食物超班水準,全港至掂意大利菜館之一,佢甜品Tiramisu仲係全港No.1
話說Sabatini全球得四間,四間水準均一,最抵死係香港食間平過意大利,好多意大利人來香港都會專登去食番餐。咁抵,香港人,一年要食一次正意菜就要來呢度。
餐廳係Finedining意菜店,不過度食飯一都唔侷促,侍應好親切,而且好多食物如意大利粉都係home-made
(另設外賣),打正自己旗號出產,夠晒信心。

 

地址:尖沙咀麼地道69號帝苑酒店3
電話:27332000
招牌菜:Tiramisu$85
消費:
$700

鮮茄海鮮幼麵

 

 

 

052西式裝修食韓菜金羅寶

韓劇、韓星早已順利攻陷香港,但精彩的韓國餐廳好像來來去去都是那幾間,未見新鋪有驚喜,唯金百利的金羅寶食物夠地道,味道很不錯,雖然價錢唔平,但西式裝修好闊落,坐得好舒服。

 

地址:銅鑼灣記利佐治街1號金百利6R3
電話:28953986
招牌菜:冷湯麵$90
消費:
$200

 

 

 

053騎呢雲南菜彩雲南

彩雲南話我知,原來雲南菜唔係只有過橋米線、氣鍋雞等,仲有好多香港人都未聽過菇菌同材料。想唔out就要快試。食物水準不錯,可惜價錢略貴。

 

地址:銅鑼灣信德街18號地下
電話:28818992
招牌菜:雲南氣鍋雞$298
消費:
$200

粑洋芋辣子雞火鍋

 

 

 

054少數奧菜Mozart'sStub'n

不說不知,原來這間奧地利餐廳已有18年歷史,位處非常唔就腳,幽靜閒適的斜路盡頭,雖然隔涉,但環境清幽,要食香港少有的奧地利菜不作他選。

 

地址:中環己連拿利8號地下
電話:25221763
招牌菜:炸牛肉$193
消費:
$400

 

 

 

055唯一雞串五味鳥

全店獨沽一味只賣雞串燒,雞皮、雞頸肉、雞肝……選擇不多,店鋪極細,連廚房才三四百呎,但日本師傅製作認真,樣樣勁好味,加上係香港唯一一間食雞串燒,必然結果梗係勁爆啦!

 

地址:尖沙咀加連威老道92號幸福中心地下LG5
電話:23678519
招牌菜:燒雞頸肉$38、燒牛$36
消費:
$80

 

 

 

056食味道九記

開店60年,一碗清湯腩賣到街知巷聞,還有日文餐牌,都算傳奇。棄用花椒八角等香料炆牛腩,改用10多種中藥炮製,牛腩食落滑而不韌。

 

地址:中環歌賦街21號地下
電話:28543826
招牌菜:九記牛腩,清湯腩
消費:
$60

 

 

 

057柚子茶熱梨花苑

烏龍茶、綠茶、麥茶……各式各樣的茶流行過後,接來的是韓國出品——柚子茶,hit到連茶餐廳都有。一整樽買回家慢慢沖,清香得來又有茶味。

 

地址:上環德輔道中247號德佑大廈一樓
電話:25422339
招牌飲品:柚子茶$70/
消費:
$70

 

 

 

058食粥王手勢景記

如果你問我何以捨上環鼎鼎大名生記而取旺角開唔夠一年景記,我只能告訴你,從前為生記打響名堂大廚景叔就是而家景記的靈魂煮手。
每日著住背心景叔都會企爐邊密密咁煲粥,佢粥話明可以揀稀或杰,不過無論點樣,粥都係咁綿,當中以佢魚雲粥最靚,鮮味到不得了。

 

地址:旺角廣華街48
電話:23327675
招牌粥:魚雲粥$35、鹹雞髀粥$35
消費:
$60

 

 

 

059自己話事CafeduParc

新酒店食肆愈來愈多,繼珀麗酒店Sonata由廚師話事的surprisedinner之後,天后新開的維景酒店則將個concept倒轉,讓客人自己話事。雖然有menu,但客人可按自己的口味要求廚師更改食物,考師傅功夫,亦迎合嘴刁顧客需要。

 

地址:銅鑼灣銅鑼灣道148號維景酒店2
電話:26001000內線6336
招牌菜:炭燒扒$138、自助頭盤$138
消費:
$300

燒羊扒配豆豉燒汁及扒什菜
清酒蟹肉濃湯


 

 

 

060混合新潮流LCSquare

多功能Cafe愈開愈多,但當中最流行的要算精品Cafe混合體,上樓鋪地鋪都有。而LCSquare則佔上下兩層,有精品、首飾、上網和Cafe

 

地址:灣仔蘭杜街4號地下及1
電話:25272122
招牌菜:牛油果蝦三文治$32
消費:
$80

 

 

 

061繼續私房菜王小

早兩年勁hit樓上私房菜,王小算是第一代,而且是食物水準keep得最好一個,佢做擔擔麵好食過香港任何一間川菜館。呢個樓上店水尾階段,王小依然穩打穩。

 

訂位電話:25591317
招牌菜:雞蛋花
消費:$250/位(最少4
位)

 

 

 

062好味殺晒2Sardines

鬼佬主導蘇豪區,餐廳成日好似走馬燈咁轉,2Sardines係呢區第一代餐廳,做到而家,完全因為好食,好食到食完你會返轉頭隻。
菜式精緻、氣氛輕鬆的法國小店,一塊玻璃窗將前後分隔:前面是啡色籐椅配綠色的牆;後半部是黃色拱形天花板配手繪卡通,配上昏黃燈光,很有法國情調。

 

地址:中環伊利近街43號地下
電話:29736618
招牌菜:煎黑鱈魚配番茄菠菜莎芭翁汁$168
消費:
$400

 

 

 

063價廉物美美味廚

當大家都勒緊褲頭過日子,唔係好捨得食時,細細間、價廉物美的小店尤其受歡迎。在加寧街林立貴店中,美味廚較平,其排骨鬆化有肉味,只可惜店細坐得唔舒服。

 

地址:銅鑼灣加寧街9-11號地下
電話:25778350
招牌菜:紅燒排骨菜飯$28
消費:
$80

 

 

 

064估唔到口甘平Chesa

去半島食歷史悠久的瑞士餐廳,乍聽一定以為貴到飛起,但其實並非想像中昂貴,一個主菜不超過$200,加上對半島的虛榮感,已經值回票價,而且氣氛一點不侷促,高談闊論也無問題。

 

地址:尖沙咀梳士巴利道半島酒店一樓
電話:23153169
招牌菜:紅酒燴牛尾$185
消費:
$350

 

 

 

065市內露天LeHibou

近來餐廳的趨勢不外乎:一.地點山卡罅;二.露天茶座;三.酒吧餐廳合二為一。LeHibou完全符合以上條件,而且位處市區,小店式有露天位,更難能可貴。

 

地址:中環美輪街3號地下
電話:25811887
招牌菜:鵝鴨肝$130、蜜餞雪糕$95
消費:
$400

貓頭鷹鵝鴨肝

 

 

 

066星級西餐Hugo

Hugo是本地少數傳統歐陸餐廳,裝修帶點古堡feel,每位客人惠顧都會獲贈玫瑰花或雪茄,絕對能滿足閣下的虛榮心。

 

地址:尖沙咀彌敦道67號凱悅酒店3
電話:23111234內線2877
招牌菜:龍蝦湯$128、煎鵝肝$240
消費:
$500

干邑火焰美國頂級牛柳

 

 

 

067食頂級名氣見城

日本見城師傅加日本客人,徹頭徹尾一間日本人的小店。在尖沙咀鬧市中倔頭路的盡頭,門面一都唔起眼,但食過就知大有來頭。雖然食物價錢不菲,想食飽無八百一千蚊都落唔到樓,但仍晚晚爆場,原因係見城師傅絕密秘技一板手壽司,食過就知靚壽司應集鬆軟鮮三合一,就連香港好多日本店的師傅都會來食順道偷師,因為見城係從來都唔接受訪問,鋪頭絕少曝光。

 

地址:尖沙咀棉登徑30號地下
電話:23698307
招牌菜:海鰻壽司$35/
消費:
$800

 

 

 

068地貴菜新兜記

油麻地果真是虎藏龍的地方,伙記好串,問佢有乜小菜好介紹,佢會話呢度小菜唔好食,梗係啦,人親都係食粟米斑塊嘛。區區一碟粟米斑塊,居然棄用石斑改用新鮮蘇眉,每日只賣一條,賣晒就無,仲要成二百多元一客,你食唔起但大把人搶住食,如張國榮、吳君如。今時今日經濟環境,仲晚晚爆棚。

 

地址:佐敦吳松街120號地下
電話:27306827
招牌菜:粟米斑塊$230
平均消費:
$300

 

 

 

069正宗和味札幌拉麵

一碗拉麵可以賣得比其他麵鋪貴成三分一,原因簡單,由叉燒、麵、配菜和麵都是日本運來原材料,加入牛油,溶掉之後,與湯底混為一體,將拉麵的馥郁推向頂峰,貴得有道理。新近更在銅鑼灣開分店,水準保持,正!

 

地址:銅鑼灣謝斐道522
電話:25919100
招牌菜:極上拉麵$150
消費:
$80

 

 

 

070唯一無冰奶茶金鳳茶餐廳

唯一一間入選的舊式茶餐廳。茶餐廳是香港的獨有文化,而最能代表茶餐廳文化的則當然是絲襪奶茶,金鳳的凍茶凍啡完全唔加冰,沖完之後攤涼放入雪櫃,夠晒香濃滑溜又唔會被冰溝淡。

 

地址:灣仔春園街41號地下
電話:25720526
招牌菜:凍奶茶$13
消費:
$20

 

 

 

071多變化Kimtiland金地

香港人愈來愈識嘆,到郊外公園燒食好似已經不能滿足奢侈的我們,繼西貢「地精」燒烤場之後,又有另一雅致燒烤場,有吊、水池,「梳乎」舒適,除了燒食,還可打邊爐。

 

地址:上水白石凹DD218Lot731
電話:81033696
招牌菜:古法燒豬
消費:$128-$228
(任食套餐)

 

 

 

072多花臣Mint

01年非常活躍一間餐廳,食物款式成日變俾你驚喜,一時又搞winelunch,仲搵埋品酒師協會主席來講talk,將餐酒文化普及化。一時又有李力持談逆市求生和風水午餐,在午餐中加入互動因素,多去幾次都不覺悶,來年又唔知又有乜花臣搞。

 

地址:尖沙咀廣東道122126號地下
電話:27355887
招牌菜:香茅扒大蝦$168、瑞士煎薯餅$88-$118
消費:
$200

 

 

 

073食百年風味玉葉甜品

區區賣甜品一個鐵皮大排檔,受盡風吹雨打捱成100年,無他,食過佢芝麻糊,久唔久就會掛住要來食。話說鋪頭係家族生意,所以打理係玉葉婆婆同佢屋企人,檔口細細又條斜路上,坐度食,好有feel

 

地址:中環伊利近街2號檔(近荷李活道)
電話:25443795
招牌菜:芝麻糊$6.5
平均消費:
$10

 

 

 

 

074玩矜貴譽滿坊

一盅兩件已經成為香港人生活中不可分割的一部分,若想精緻高貴一點,可到好多明星好似郭可盈、蔡少芬鍾意幫襯的譽滿坊,點心款式夠多又有新意,加入魚翅金箔鮑魚的點心在這司空見慣。

 

地址:跑馬地成和道63號地下
電話:28348893
招牌菜:金箔鮮蝦魚翅餃$60、秘製咕嚕蝦$80
消費:
$200

 

 

 

075健康菇富興菇菌火鍋

食齋人士在香港真係無啖好食,尤其是打邊爐,全部都是食肉獸,更使「齋」人對打邊爐卻步。大陸近年開始流行食野生菇菌,大部分菌見都未見過,但皆俱食療功效。香港也逐漸引入這些菌類,最初可能只是一兩間雲南食肆有得賣,現在推而廣之,連火鍋都有菌食。

 

地址:佐敦德興街7-8號禮苑大廈A-B
電話:23177578
招牌菜:紅乳牛肝菌$25、老人頭$25、鬆茸菌$25
消費:
$150

 

 

 

076貴得有道理達

價錢絕不便宜,但膽敢收這麼貴,當然有番咁上下水準,必吃當日新鮮壽司,坐在吧更可欣賞到師傅的刀功。各款小食亦做得精緻突出,如南瓜、牛肉煮薯仔等。全店以「TATAMI」及吧的環境最有feel

 

地址:銅鑼灣告士打道255-257號信和廣場地下4
電話:25750100
招牌菜:當日新鮮壽司$80-$140及煮物$40-$120
消費:
$400

牛肉煮薯仔

 

 

 

077屋苑美食藍灣半島

大型地產商發展的屋苑,全部都發展成一個美食城,如西寶城、杏花新城,但店鋪都有點熟口熟面,無甚新意,倒是藍灣半島內有賣夏威夷食品的CafeHawaii,和靚裝修食扒的扒莊,算是個不俗的選擇。

 

地址:小西灣小西灣道28號藍灣半島商場G9
電話:25959193
招牌菜:炭燒豬頸扒$98
消費:
$150

安格斯西冷扒
炭燒豬頸扒


 

 

 

078澳洲牛奶澳洲牛奶公司

甜品鋪兼做快餐,燉奶出名之餘,好多人更加鍾意佢早餐,簡單多士奄列加通粉,分量好大。不過伙記勁串,但依然永遠爆場。

 

地址:佐敦白加士街47-49號地下
電話:27301356
招牌菜:早餐
$20
消費:
$30

 

 

 

079 50年蔗水公利真料竹蔗水
開店50多年的蔗汁水,連曾蔭權兄弟都係飲佢蔗水大,認真不得了。門口幅陳年廣告版,裝潢陳設數十年如一日,買少見少的陳年涼茶鋪都係早去。

 

地址:中環荷李活道60
電話:25443571
招牌飲品:蔗汁$6、蔗水$4
消費:
$10

 

 

 

080趕懷舊鑽石

後生人可能唔多識,但老一輩人可能好熟,話唔定鑽石係佢以前成日去飲茶地方。去到呢個年代,鑽石依然keep住粵菜酒家的傳統,招牌鹽焗雞用原個砂煲加大量粗鹽焗,想食就要親身到酒樓俾晒錢預訂先得,都咪話唔招積,飲茶、晚飯都正,但價錢當然唔係懷舊價,每人平均$200左右。

 

地址:上環德輔道中267龍紀大廈
電話:25444921
招牌菜:炸子雞$160/
消費:
$200

 

 

 

081新潮快餐美心大快活大滿貫

近幾年的快餐業可謂非常進步,大滿貫、大快活、美心相繼改頭換面換裝修,又擺晒電腦俾人上網,總之同而家科技年代追得貼貼密密。大滿貫的簡潔裝修總算讓人耳目一新。

 

 

 

082品牌食物資生堂

連化妝品資生堂都出自己牌子的曲奇餅、朱古力等,自己專門店度賣,踩過界做飲食的例子似乎愈來愈多,遲些或許連我們想像不到的行業都來分飲食業一杯羹。

 

地址:銅鑼灣新寧道8號民安廣場21
電話:25252522
招牌食物:曲奇餅
消費:
$60

 

 

 

083不時不食雲陽閣

出道以來一直獲不少好評的四川菜館,以正宗又精緻的四川菜為賣點。但要留意報章或雜誌的報道,有客席四川廚師獻技,才好去食。有內地師傅駐場時,食物一般較有特色,而且好味。

 

地址:尖沙咀彌敦道132-134號美麗華商場4
電話:23750800
招牌菜:豆酥桂魚$280/
消費:
$200

 

 

 

084食足料蛇王二

要食蛇,就要揀間足料食。蛇王二蛇羹真材實料,用足五蛇:飯鏟頭、金腳帶、過樹榕、三索線和白花蛇;材料豐富到每一啖入口都有蛇肉,而湯底內還有雞、冬菇、火腿、薑、陳皮、木耳等,口感豐富,味道濃郁。

 

地址:銅鑼灣波斯富街24號地下
電話:28310163
招牌菜:蛇羹$48、腸飯$24
消費:
$60

 

 

 

085粵菜經典阿斗官

普通海鮮酒樓的裝潢菜式已經出現疲態悶相,幸好仍有人絞盡心思去出番粵菜的經典。阿斗官是順德有錢仔,對食好講究,唔正唔食。菜式非大路,而裝修格局極具書卷氣。

 

地址:紅磡黃埔花園第八期一樓蔡瀾美食坊116號鋪
電話:31522166
招牌菜:釀鯪魚餅$88、清暉園檀香骨$65,湘蓮雙皮奶
消費:
$100

 

 

 

086超名氣三盞燈

三盞燈車仔麵跑馬地出晒名,最叻搞新意思,好似冬蔭功車仔麵,好多明星好似星爺都成日去食。馬年想搵個有錢佬嫁,大可以多去蒲。

 

地址:跑馬地成和道67號昇平大廈A3鋪地下
電話:28360182
招牌菜:冬蔭功車仔麵
消費:
$60

 

 

 

087下火好三不賣

經濟低迷,戾氣多,想下火,十元八塊的涼茶永遠受歡迎。三不賣的野葛菜水真材實料,行過飲杯清熱下火。

 

地址:灣仔莊士敦道226號地鋪
招牌涼茶:野葛菜水$7/
消費:
$7

 

 

 

088靚料火鍋厚福館

城中其中一間最正的火鍋店,環境兜,全店係無「pan」,坐得唔舒服。但價錢一都唔平,因為配料勝在新鮮,因老細本身做廚出身,對選料好有研究,全店至出名牛肉粒用坑腩部位,還特意切成四方形,令牛肉味更濃,最抵死係愈淥愈腍又滑,食過就知物有所值。一定要記住,鋪頭有兩層,樓上好侷,唔想食到頭暈,就要坐樓下。

 

地址:九龍城南角道73號地下
電話:23832365
招牌菜:牛肉粒$90、胡椒豬肚湯底$40
消費:
$150

 

 

 

089英倫健康快餐即將殺到PretAManager

PretAManager,是法語Ready-to-eat的意思,食物標榜新鮮、健康,由三文治、壽司以至沙律、甜品等,全都是於個別店內製造,不設中央工廠大量製造,所以更能保持食物的質素。1986年在倫敦Victoria開設首間店鋪,至今已有超過100間連鎖店遍佈英國各地。香港將會是繼紐約以後,第二個在英國以外的分店,並預計於2002年底在本港開設10間分店。

 

 

 

090不死潮流元氣壽司

無得傾,迴轉壽司是不死的潮流,奈何蜀中無大將,元氣永遠堆滿人群,價錢雖不比元綠便宜,分店亦較少,但論食物質素則較元綠佳,多付一個幾毫,還是元氣的魚生、壽司和卷物較出色,單看TimesSquare的人龍就知。

 

地址:銅鑼灣時代廣場地庫2B222
電話:25069366
招牌菜:元氣卷$14/碟、炸蝦卷$14/
消費:
$150

 

 

 

091遊車河兜風端記茶樓

因為條村山上,無駁到自來水,成條村人都係用山水來食用,順理成章,村茶樓用山水沖茶就成焦點。
老實講,用山水沖茶飲落分別唔大,不過茶樓環境又幾無敵,對住田呀、山呀,視野無阻;茶樓仲掛晒雀籠度,好有「隱世田園」feel
。平時做咁忙,生活咁緊張,有車話,一年總應來兩三次,來個精神大過濾都好。

 

地址:荃灣大帽山川龍村57-58
電話:24905246
招牌菜:山水茶$2/位、燒賣$11
消費:
$30

 

 

 

092食水準勝利牛丸

無雷公咁遠用十幾廿蚊搭車入元朗食一碗十幾蚊牛丸,路費仲貴過碗牛丸,無辦法啦,佢牛丸波子咁大,一口一粒,食落「習習」聲,牛肉味超然,絕非市區一般貨色可比。只因牛丸用肉眼扒來打,不加粉,真材實料,遠些都值。

 

地址:元朗谷亭街傑文樓地下3B
電話:24788409
招牌菜:牛丸米$16、牛腩米$16
消費:
$16

 

 

 

093潮菜一哥創發潮州飯店

城中潮菜一哥,光是佢滷水汁就有32年歷史,用陳年汁料煮出來的鵝腸,特別爽滑甘香,必試之選。此外但凡叫得出的潮州菜呢度都有得食,仲有好多刁鑽潮菜。

 

地址:九龍城城南道62號地下
電話:23833114
招牌菜:滷水鵝腸$60、凍蟹$12/
消費:
$200

 

 

 

094瀕臨結業雍雅山房

有睇過粵語殘片都唔會唔知道雍雅山房係呂奇、謝四哥(謝賢)等溝女地方。講真環境確係唔錯,有小橋流水小瀑布兼埋個無敵大海景,到食環境都飽。聽聞餐廳地段會零二年更改土地使用權,早兩年就猛咁傳佢會執,想「緬懷」過去都係快來番一兩趟。
不過建議茶點小好啦,事關佢食物實在出晒名酒店價錢,但食物質素就茶餐廳也不如。

 

地址:沙田馬料水(在大埔道旁邊)
電話:26911630
招牌菜:煎封釀豆腐$90
消費:
$200

 

 

 

095懷舊零食陳意齋

碩果僅存的古董零食鋪,有70幾年歷史,讓人時光倒流食番阿公阿婆做仔做女時的零食涼果,鋪內的擺設格局完全保留了當年的風味,賣的全是老餅:杏仁餅、盲公餅、陳皮梅、山渣餅同燕窩糕等。燕窩糕在市面恐怕已很難買到,成$40才六條,說真的,很甜,值不值見仁見智。

 

地址:上環皇后大道中199號地下
電話:25438414
招牌零食:燕窩糕$40
消費:
$50

 

 

 

096食經典TiffinLounge

Tiffin能夠成為甜品buffet的經典,因為它完全滿足了女孩的夢想:一,在五星級最grand的酒店內嘆茶,說三道四;二,不斷有甜品供應,款多繽紛,件件靚樣精緻;三,價錢不算平宜,但一年食幾次都不會肉痛。始終這是女孩們高呼甜品萬歲的地方。

 

地址:灣仔港灣道1號君悅酒店1
電話:25881234-7223
招牌菜:甜品自助餐$135
消費:
$150

 

 

 

097新飲品熱薑樂

7-11新近產品罐裝薑可樂,即買叮熱就飲,味道都唔錯,薑味OK,方便到一路飲都要讚佢有創意。

7-11有售
消費:
$3.9

 

 

 

098芒果

芒果不知打從甚麼時候起,成為甜品中的必吃favour,只要是芒果味道的甜品,必定大熱,說不定來年又有新的芒果甜品出現。

 

芒果布甸

芒果班戟

芒果薄餅

 

 

 

099只可一試全聚德

北京至出名烤鴨店來香港,來頭勁大,又話烤鴨跟足北京總廚做法,食過人都讚烤鴨幾好,但其他小菜就認真麻麻,不過唔使飛去北京都有得食,一試尚可。

 

地址:灣仔港灣道華潤大廈4/F
電話:28849088
招牌菜:烤鴨$140/半隻
消費:
$250

 

 

 

100等食名店張生記

杭州同上海都出晒名杭州菜館張生記,好多名人食家如蔡瀾食過都話好正。據可靠消息,張生記將於新年後香港富豪酒店開幕,香港人就地就可以食到佢名菜,不過就要耐心等一等。

 

招牌菜:老鴨湯
*尚未開張,預計新年後開幕

 

 

 

 

撰文:何詠子、孫嘉雯、葉翠珊
協力:李淑萍
攝影:潘爵穎、江傳鑫
部分圖片:《蘋果日報》、《壹週刊》、《壹本便利》、《忽然1週》
http://etw.atnext.com/template/etw/art_main.cfm?sec_id=1000841&art_id=2435805